SHe Box PORTAL वर जिल्ह्यातील सर्व खासगी
आस्थापनांनी अंतर्गत तक्रार समितीची नोंदणी करावी
कोल्हापूर, दि. 14 (जिमाका): कामाच्या ठिकाणी महिलांचा लैंगिक छळ (प्रतिबंध, मनाई आणि निवारण) अधिनियम 2013 (Posh Act) ची प्रभावी अंमलबजावणी करण्यासाठी Posh Act 2013 मधील कलम 4 अन्वये ज्या कार्यालयामध्ये 10 किंवा 10 पेक्षा जास्त कर्मचारी असतील, अशा सर्व खाजगी आस्थापनांमध्ये अंतर्गत तक्रार समिती स्थापन करणे बंधनकारक आहे. तरी जिल्ह्यातील सर्व खाजगी आस्थापना धारकांनी अंतर्गत तक्रार समिती स्थापन करावी, असे आवाहन जिल्हा अधिकारी स्थानिक तक्रार निवारण समिती तथा उपजिल्हाधिकारी पुनर्वसन वर्षा शिंगण यांनी केले आहे.
(SHe Box PORTAL आस्थापनेतील अंतर्गत तक्रार समितीची नोंदणी कशी करावी या बाबतची कार्यपध्दती पुढीलप्रमाणे आहे – SHe Box PORTAL अंतर्गत तक्रार समिती नोंदविण्यासाठी https://shebox.wcd.gov.in या वेबसाईटवर जाऊन होम स्क्रीनवर दाखविल्याप्रमाणे अंतर्गत तक्रार समिती नोंदवा (Private Head office Ragistration) या टॅब वर Click करुन आवश्यक त्या सर्व माहितीचा तपशिल भरुन Submit या Tab वर Click करुन अंतर्गत तक्रार समितीची माहिती नोंदवावी. याप्रमाणे नोंदणी केल्यानंतर त्याची माहिती प्रत समिती गठित केल्याच्या आदेशाची प्रत त्रैमासिक, वार्षिक बैठक अहवालाची प्रत तसेच प्रचार प्रसिद्धी व प्रशिक्षण दिल्याबाबतची माहिती नियमितपणे जिल्हा महिला व बाल विकास अधिकारी कार्यालय मध्यवर्ती प्रशासकीय इमारत पोलीस अधीक्षक कार्यालयाजवळ कसबा बावडा मेन रोड कोल्हापूर येथे सादर करणे आवश्यक आहे. अन्यथा कायद्यानुसार होणाऱ्या कार्यवाहिस सामोरे जावे लागेल. असे आवाहन कामाच्या ठिकाणी महिलांचा लैंगिक छळ (प्रतिबंध, मनाई आणि निवारण) अधिनियम 2013 अंतर्गत जिल्हा अधिकारी स्थानिक तक्रार निवारण समिती तथा उपजिल्हाधिकारी पुनर्वसन जिल्हाधिकारी कार्यालय, कोल्हापूर वर्षा शिंगण यांनी केले आहे. तसेच ही समिती स्थापन केलेल्या आदेशाची प्रत व त्या आस्थापनेतील अंतर्गत तक्रार समितीची नोंदणी SHe Box PORTAL वर करण्यासाठी केंद्र शासनाने निर्देश दिलेले आहेत.
