भाषण करताना बिघडली मल्लिकार्जुन खरगेंची प्रकृती, पक्षाचे कार्यकर्ते हात धरुन घेऊन गेले!
जम्मू काश्मीरमध्ये विधानसभेच्या निवडणुकीच्या प्रचाराचा शेवटचा दिवस आहे. या दिवशी भाषण करत असताना काँग्रेसचे राष्ट्रीय अध्यक्ष मल्लिकार्जुन खरगे यांची प्रकृती बिघडली. कठुआ या ठिकाणी ते एका रॅलीला संबोधित करत होते. त्याचवेळी त्यांची प्रकृती बिघडली आणि त्यांना हाताला धरुन कार्यकर्ते मंचावरुन खाली घेऊन गेले.*
मल्लिकार्जुन खरगे काय म्हणाले?
“केंद्र सरकारला या ठिकाणी निवडणूकच घ्यायची नव्हती. त्यांनी जर निवडणूक घ्यायचा निर्णय घेतला असता तर एक दोन वर्षांतच निवडणूक घेऊ शकले असते. भाजपाने उपराज्यपालांच्या मदतीने रिमोट कंट्रोल सरकार आणण्याचा प्रयत्न केला आहे. पंतप्रधान नरेंद्र मोदी यांनी मागच्या १० वर्षांत युवकांसाठी काहीही केलं नाही. तुम्ही अशा माणसावर विश्वास ठेवू शकता का? ज्या माणसाने १० वर्षांत तुमची समृद्धीही तुम्हाला आणून दाखवली नाही? भाजपाच्या कोणत्याही नेत्याने समोर यावं. त्यांना विचारा इथे काय विकास झाला आहे?” मल्लिकार्जुन खरगे हे सगळं बोलत होते आणि त्यांची प्रकृती अचानकच बिघडली आणि त्यांना मंचावरुन खाली आणण्यात आलं त्यानंतर त्यांना मंचावरुन खाली नेण्यात आलं.
मोदी सत्तेतून बाहेर पडेपर्यंत मी जिवंत असेन
काही वेळाने काँग्रेसचे अध्यक्ष मल्लिकार्जुन खरगे यांनी पुन्हा सांगितलं की, “आम्ही राज्याचा दर्जा बहाल करण्यासाठी लढू. मी ८३ वर्षांचा आहे, मी इतक्या लवकर मरणार नाही. पंतप्रधान मोदी सत्तेतून बाहेर असेपर्यंत मी जिवंत असेन. मल्लिकार्जुन खर्गे म्हणाले की, या लोकांना (केंद्र सरकार) कधीही निवडणुका घ्यायच्या नाहीत. त्यांना हवे असते तर एक-दोन वर्षात निवडणुका घेता आल्या असत्या. सर्वोच्च न्यायालयाच्या आदेशानंतर ते निवडणुकीसाठी सज्ज झाले. पंतप्रधान मोदींनी गेल्या १० वर्षात भारतातील तरुणांना काहीही दिले नाही.
मोदी खोटे अश्रू ढाळत आहेत
पंतप्रधान इथे येऊन तरुणांच्या भविष्यासाठी खोटे अश्रू ढाळत आहेत. सत्य हे आहे की या लोकांनी गेल्या १० वर्षात संपूर्ण देशातील तरुणांना अंधारात ढकलले आहे. याला खुद्द पंतप्रधान मोदी जबाबदार आहेत. भाजपवर निशाणा साधत खरगे म्हणाले की, सरकारने सर्वोच्च न्यायालयाच्या आदेशानंतर त्यांनी निवडणुकीची तयारी सुरू केली. त्यांना निवडणूक नक्कीच हवी होती. त्यांना नायब राज्यपालांच्या माध्यमातून रिमोट-नियंत्रित सरकार चालवायचे होते. पंतप्रधान मोदींनी गेल्या १० वर्षांत भारतातील तरुणांना काहीही दिले नाही.
तुम्ही अशा व्यक्तीवर विश्वास ठेवू शकता जो १० वर्षांत तुमची समृद्धी परत आणू शकत नाही? भाजपचा कोणताही नेता तुमच्यासमोर आला तर त्याला विचारा की त्यांनी समृद्धी आणली की नाही.
