भीमा-कोरेगाव शौर्य दिनाचा संकल्प: पुण्यात पँथर आर्मीच्या २०२६ च्या भव्य दिनदर्शिकेचे प्रकाशन
संविधान वाचवण्यासाठी सज्ज व्हा; डॉ. राजेंद्रसिंग वालिया यांचे परखड प्रतिपादन
पुणे | संघर्ष नायक न्यूज नेटवर्क पुणे शहरात पँथर आर्मीच्या वतीने आयोजित एका भव्य सोहळ्यात २०२६ च्या दिनदर्शिकेचे (कॅलेंडर) थाटात प्रकाशन करण्यात आले. पँथर आर्मी स्वराज्य क्रांती सेनेचे संस्थापक प्रमुख संतोष एस. आठवले यांच्या अध्यक्षतेखाली हा सोहळा संपन्न झाला. ज्येष्ठ सामाजिक कार्यकर्ते डॉ. राजेंद्रसिंग वालिया यांच्या हस्ते या दिनदर्शिकेचे अनावरण करण्यात आले.
संविधानिक हक्कांची मशाल घराघरात पोहोचणार
कार्यक्रमाचे उद्घाटन करताना डॉ. राजेंद्रसिंग वालिया यांनी संविधानावर होणाऱ्या आघातांबाबत चिंता व्यक्त केली. ते म्हणाले, “पँथर आर्मीने दिनदर्शिकेच्या माध्यमातून महापुरुषांचे विचार आणि संविधानिक मूल्यांची मशाल पेटवली आहे. आजच्या काळात युवकांनी संघटित होऊन संविधानाच्या रक्षणासाठी संघर्षाची तयारी ठेवणे हीच खरी काळाची गरज आहे.”
अध्यक्षीय भाषणात संतोष एस. आठवले यांनी संघटनेची भूमिका मांडताना सांगितले की, ही दिनदर्शिका केवळ तारखा पाहण्याचे साधन नसून, ती समाजातील वंचित आणि शोषित घटकांच्या संघर्षाची प्रेरणा आहे. आगामी काळात संघटना सामाजिक न्यायासाठी अधिक आक्रमकपणे कार्य करेल, असा निर्धार त्यांनी व्यक्त केला.
विजयस्तंभाला मानवंदना आणि शौर्य अभिवादन प्रकाशन सोहळ्यानंतर १ जानेवारी रोजी पँथर आर्मीच्या सर्व पदाधिकाऱ्यांनी आणि कार्यकर्त्यांनी पेरणे फाटा (भीमा कोरेगाव) येथील ‘विजयस्तंभा’ला भेट दिली. यावेळी क्रांती स्तंभाला पुष्पचक्र अर्पण करून शूर पराक्रमी योद्धांना मानवंदना देण्यात आली. “शौर्य दिनाचा हा वारसा आम्हाला अन्यायविरुद्ध लढण्याची ताकद देतो,” अशा भावना कार्यकर्त्यांनी यावेळी व्यक्त केल्या.
प्रमुख उपस्थिती या सोहळ्याला महाराष्ट्रभरातील प्रमुख पदाधिकाऱ्यांनी हजेरी लावली होती, त्यामध्ये:
- प्रा. अरुण मेढे (महाराष्ट्र प्रदेशाध्यक्ष)
- महेंद्र वाघमारे (प्रदेश कार्यकारी समिती प्रमुख)
- ज्योतीताई झरेकर (महिला आघाडी प्रदेशाध्यक्षा)
- लक्ष्मीकांत कुंबळे (प्रदेश संघटक)
- आशा मोरे (पालघर जिल्हाध्यक्षा), महंमद जाफर शेख (पुणे जिल्हाध्यक्ष), जावेदभाई शेख (पुणे शहराध्यक्ष).
यासोबतच अमिज तांबोळी, सीताताई शिरसागर, निलम केंगारे, नितीन घावट, समीर विजापुरे, अक्षय कदम, अभिषेक कांबळे, सुनील कुंबळे, जमीर मुल्ला आणि मोठ्या संख्येने कार्यकर्ते उपस्थित होते. कार्यक्रमाचा समारोप मान्यवरांच्या सत्काराने करण्यात आला.
