महाराष्ट्र आशा, गटप्रवर्तक व आरोग्य कर्मचारी संघटना आयटकच्या वतीने राष्ट्रीय आरोग्य अभियानाचे सिंधुदुर्ग जिल्हा कार्यक्रम व्यवस्थापक यांना निवेदन ! मागण्या तत्वता मान्य!
निवेदनामध्ये अशी मागणी करण्यात आलेली आहे की, सप्टेंबर 2021पासून सिंधुदुर्ग जिल्ह्यातील एक हजार आशा व गटप्रवर्तक महिलांचे केलेल्या कामाचे वेतन, दरमहा कोविड भत्ता आणि ग्रामपंचायतीकडून मिळणारा प्रोत्साहन भत्ता हे काहीच मिळालेले नसल्यामुळे ते ताबडतोब मिळाला पाहिजे अशी मागणी करण्यात आली. या मागणीबाबत बोलताना राष्ट्रीय आरोग्य अभियानाचे जिल्हा कार्यक्रम व्यवस्थापक श्री दया कांबळे यांनी सांगितले की ज्या तालुक्यांमध्ये कामावर आधारित मोबदला अजून मिळालेला नसेल त्यांना आठ दिवसांमध्ये जानेवारी 2021 पर्यंतचा मोबदला देण्यात येईल. तसेच सप्टेंबर व ऑक्टोबर 2021 महिन्याचे प्रत्येकी 2 हजार रुपये वाढीव मानधन तेसुद्धा आठ दिवसांमध्ये देण्यात येईल. कोविड प्रोत्साहन भत्ता काढण्याची प्रक्रिया सुरू आहे. इतर मागण्यांच्या संदर्भात महाराष्ट्र राज्य राष्ट्रीय आरोग्य अभियानकडे सिंधुदूर्ग जिल्हा परिषदेमार्फत आजच पत्र पाठवण्यात येईल असे त्यांनी 18 फेब्रुवारी रोजी शिष्टमंडळाला आश्वासन दिले. निवेदन दिल्यानंतर ओरस येथे उपस्थित आशा व गटप्रवर्तक महिलांना कॉ शंकर पुजारी यांनी सांगितले क, महाराष्ट्रामध्ये 70 हजार आशा व गटप्रवर्तक महिला काम करीत आहेत त्यांना कोविढ लसीकरणाचां मोबदला अजिबात दिला जात नाही. संपूर्ण महाराष्ट्र मध्ये ऑगस्ट दोन हजार वीस पासून वाढीव वेतन मागील सात महिन्यापासून आशा व गटप्रवर्तक महिलांना दिलेले नाही. अनेक ठिकाणी वरिष्ठ आरोग्य अधिकारी कसलाही मोबदला न देताच आशा व गटप्रवर्तक माहीलांच्यावर काम करण्याची सक्ती करून त्यांच्यावर वेठबिगारी लादण्याचा प्रयत्न करीत आहेत. या सर्व अन्यायाविरुद्ध न्याय मिळाला नाही तर पंधरा दिवसानंतर आंदोलन तीव्र करण्यात येईल असे कॉ शंकर पुजारी यांनी सांगितले. या आंदोलनात तृप्ती देसाई, शारदा खानोलकर, अर्चना रेडकर ,पूजा परब, जान्हवी मारदरकर, संगीता डकर व रश्मी जाधवइत्यादींनी महत्त्वपूर्ण भागीदारी केली.
