निवडणूक आयोगाने महिलांचा अपमान करणाऱ्या विधानाबाबत तत्काळ कारवाई करावी – शिवसेना नेत्या डॉ. नीलम गोऱ्हे यांची मागणी
स्त्रियांबाबत अपमानास्पद शब्द खपवून घेणार नाही;निवडणूक आयोगाकडे सावंत यांच्या विरोधात केली लेखी तक्रार
पुणे दि.०१: शिवसेनेच्या मुंबादेवी विधानसभा मतदारसंघातील उमेदवार शायना एनसी यांच्याबाबत बोलताना दक्षिण मुंबईचे खासदार अरविंद सावंत यांनी ‘इंपोर्टेड माल चालणार नाही’ असे विधान केलेले आहे. अरविंद सावंत हे महाराष्ट्रातील महिलांना मूर्ख समजत आहेत. त्यांनी स्त्रियांबाबत अपमानास्पद शब्द बोलला आहे. स्त्रियांबाबत अपमानास्पद शब्द खपवून घेणार नाहीत तसेच सावंत यांच्या विधानाचा तीव्र शब्दात निषेध नोंदवून त्यांच्या विरोधात निवडणूक आयोगाकडे तात्काळ लेखी तक्रार दाखल करणार असल्याचे शिवसेना नेत्या डॉ. नीलम गोऱ्हे यांनी सांगितले.
