मुंबई : २०१८ साली विवाहबद्ध झालेले प्रियंका चोप्रा आणि निक जोनास यांनी अत्यंत आनंदाची बातमी शेअर केली आहे. आम्ही पालक झालो असून मला खूप आनंद झाला आहे, असं म्हणत आपण आई झाल्याचं प्रियंकाने जाहीर केलंय. पालक होण्यासाठी या दोघांनी सरोगसीचा पर्याय निवडलेला आहे. प्रियंकाने शुक्रवारी रात्री याबाबत माहिती दिली आहे.
काही दिवसांपूर्वी एका मुलाखतीमध्ये प्रियंका चोप्राने आई होण्याची इच्छा व्यक्त केली होती. त्यानंतर लगेच सरोगसीद्वारे आपण आई झाल्याचे प्रियंकाने जाहीर केले आहे. “आम्ही नुकतेच बाळाचे स्वागत केल असून आम्ही खूप आनंदी आहोत. सध्या आम्ही आमच्या कुटुंबाकडे लक्ष केंद्रित करत आहोत. त्यामुळे अशा विशेष क्षणी आम्हाला खासगीपणा जपण्याची गरज आहे,” असे प्रियंकाने इन्स्टाग्रामद्वारे सांगितले आहे.
