इचलकरंजी–
लायन्स गौरव पुरस्कार सोहळा शनिवार दि. २६ मार्च २०२२ रोजी सायंकाळी ६.३० वाजता मा. नामदार श्री. राजेंद्रजी पाटील ( यड्रावकर ) आणि मा. आमदार श्री प्रकाशरावजी आवाडे (आण्णा) यांच्या शुभहस्ते स्व. बाळासाहेब दाते लायन्स ब्लड बँक, दाते मळा, इचलकरंजी येथे संपन्न होणार आहे.
प्रतिवर्षाप्रमाणे शहर व परिसरातील विविध क्षेत्रात उल्लेखनीय कार्य केलेल्या कर्तृत्ववान व्यक्तींचा व संस्थांचा लायन्स गौरव पुरस्कार देवून सन्मान केला जातो. यावर्षी निवड कमिटी चेअरमन लायन विनय महाजन यांनी श्री निकुंज हरिप्रसाद बगडिया (उद्योग व व्यापार क्षेत्र), श्री सुनिल सीताराम महाजन (सामाजिक क्षेत्र), श्री संजय महादेव कांबळे (उत्कृष्ट नगरसेवक), श्री. गुंडाप्पा जिन्नाप्पा रोजे (चौगुले) (मिल्क व मिल्क प्रॉडक्ट), सौ. वैभवी दिपक निंगुडगेकर (हॉटेल व्यवसाय ) व मा. श्री. दगडूलाल मर्दा चॅरिटेबल व रिसर्च फौंडेशन ( सामजिक संस्था) यांची नावे जाहीर केली आहेत .
लायन्स क्लब ऑफ इचलकरंजी ही सेवाभावी संस्था विविध सेवाकार्यांच्या माध्यमातून लोकाभिमुख सेवासंस्था म्हणून गेल्या ६२ वर्षापासून परिचित आहे. अनेक प्रकारच्या सेवांबरोबरच गत ३२ वर्षापासून क्लबच्यावतीने लायन्स गौरव पुरस्कार दिले जातात. या पुरस्कारासाठी योग्य मान्यवरांची निवड क्लबने नियुक्त केलेल्या कमिटी मार्फत केली जाते. यासाठी कोणाची मागणी अथवा अर्ज विचारात न घेता प्रत्यक्ष निरीक्षणातूनच योग्य व्यक्ती व संस्थेची निवड केली जाते. त्यामुळे या पुरस्काराला समाजात मानाचा व प्रतिष्ठेचा पुरस्कार म्हणून ओळखले जाते.