दापोली : तालुक्यातील टाळसूरे या गावातील आरती अभिषेक सणस (वय 32 ) या विवाहितेचा खून झाल्याचा संशय व्यक्त करण्यात येत आहे.
मिळालेल्या माहितीनुसार आज दि.२९ मार्च रोजी दुपारी साडेबारा ते एक च्या सुमारास आरती सणस यांचा खुन झाल्याची प्राथमिक माहिती आहे. या आशा सेविकेचा घरातीलच कोणीतरी खून केल्याची दाट शक्यता वर्तविली जात आहे.
तर या विवाहितेचा खून झाल्यावर तिचे सासरे मधुकर धोंडू सणस यानी स्वतःवर वार करून आत्महत्या करण्याचा प्रयत्न केला असून त्यांना जखमी अवस्थेत डेरवण येथे हलविण्यात आले आहे. सदर मयत विवाहीतेचा विवाह आठ ते नऊ वर्षापूर्वी झाला असून तिला सहा वर्षाचा मुलगा असल्याची माहिती प्राप्त झाली आहे.
प्राथमिक अंदाजावरून या महिलेचा खून हा जवळच्या व्यक्तीकडून झाला असल्याचा दाट संशय असून घटनास्थळी उपविभागीय पोलीस अधिकारी काशिद ,दापोली पोलीस निरीक्षक आहिरे पोलीस पथकासहीत दाखल झाले असून तपास सुरू करण्यात आला आहे. पुन्हा एकदा महिलेच्याच खूनाची घटना दापोली तालुक्यात घडली असल्याने सुसंस्कृत तालुका पुन्हा हादरला आहे.
