नजमा शेख यांना ’गुणवंत कामगार‘ पुरस्कार प्रदान

नजमा शेख यांना ’गुणवंत कामगार‘ पुरस्कार प्रदान
फोटो –
इचलकरंजी/प्रतिनिधी –
येथील कल्लाप्पाण्णा आवाडे इचलकरंजी जनता सहकारी मल्टिस्टेट शेड्युल्ड बँकेतील महिला बचत गट समन्वयक नजमाबी गुलाब शेख यांना महाराष्ट्र कामगार कल्याण मंडळातर्फे ‘गुणवंत कामगार पुरस्कार‘ प्रदान करण्यात आला. हुतात्मा बाबू गेनू मुंबई गिरणी कामगार क्रीडा भवन येथे संपन्न सोहळ्यात कामगार मंत्री हसन मुश्रीफ यांच्या हस्ते आणि राज्यमंत्री ओमप्रकाश उर्फ बच्चू कडू यांच्या प्रमुख उपस्थितीत हा पुरस्कार देण्यात आला.
सहकार महर्षि कल्लाप्पाण्णा आवाडे व आमदार प्रकाश आवाडे यांच्या मार्गदर्शनाखाली नजमा शेख या बँकेत कार्यरत आहेत. बँकेशी संलग्न 1800 महिला बचत गटातील महिलांना आवश्यक ते सहकार्य आणि बँकेच्या योजनांचा लाभ मिळवून त्या सदैव तत्पर असतात. याकामी त्यांना माजी नगराध्यक्षा सौ. किशोरी आवाडे, बँकेचे संचालक स्वप्निल आवाडे, माजी सीईओ विजय कामत, मुख्य कार्यकारी अधिकारी संजय शिरगांवे यांचे मोलाचे सहकार्य लाभत आहे.
या सोहळ्यासाठी कामगार विभागाच्या प्रधान सचिव श्रीमती विनिता वेद-सिंगल, विकास आयुक्त (असंघटित कामगार) डॉ.अश्‍विनी जोशी, कामगार आयुक्त सुरेश जाधव, कामगार विभागाचे उपसचिव डॉ. श्रीकांत पुलकुंडवार, कामगार विभागाचे उपसचिव शशांक साठे, आयुक्त रविराज इळवे, सहायक कल्याण आयुक्त माधवी सुर्वे आदी मान्यवर उपस्थित होते.