रिपब्लिकन सेनेचे ठाण्यात प्रेरणादायी मार्गदर्शन शिबिर यशस्वी मा. आनंदराज आंबेडकर यांचे हात बळकट करण्यासाठी पक्ष वाढीच्या उपक्रमांवर मार्गदर्शन

रिपब्लिकन सेनेचे ठाण्यात प्रेरणादायी मार्गदर्शन शिबिर यशस्वी
मा. आनंदराज आंबेडकर यांचे हात बळकट करण्यासाठी पक्ष वाढीच्या उपक्रमांवर मार्गदर्शन
ठाणे: दिनांक १२ ऑक्टोबर २०२५ रोजी ठाणे येथे रिपब्लिकन सेनेच्या पदाधिकारी व कार्यकर्त्यांसाठी एका महत्त्वपूर्ण आणि प्रेरणादायी मार्गदर्शन शिबिराचे यशस्वीरीत्या आयोजन करण्यात आले. या शिबिरात कार्यकर्त्यांना संघटनेच्या विस्तारासाठी मोलाचे मार्गदर्शन लाभले.
इंदू मिल प्रणेते आणि रिपब्लिकन सेनेचे सरसेनानी मा. आनंदराज आंबेडकर साहेब यांचे हात बळकट करण्यासाठी आणि पक्ष संघटना अधिक मजबूत करण्यासाठी हे शिबिर आयोजित करण्यात आले होते. शिबिरात प्रामुख्याने पक्ष वाढीसाठी अनेक उपक्रम व विविध कार्यक्रम कसे आयोजित करावेत, याबद्दल सखोल मार्गदर्शन करण्यात आले. संघटनेला तळागाळापर्यंत नेण्यासाठी आणि जनसामान्यांमध्ये आंबेडकरी विचारांचा प्रचार करण्यासाठी आवश्यक असलेल्या रणनीतीवर यावेळी चर्चा झाली.
रिपब्लिकन सेनेचे सर्व पदाधिकारी आणि कार्यकर्ते यांनी या शिबिरात उत्स्फूर्त सहभाग नोंदवला. शिबिराच्या माध्यमातून मिळालेल्या प्रेरणेने व मार्गदर्शनाने सर्वजण संघटनेच्या वाढीसाठी नव्या जोमाने आणि उत्साहाने सज्ज झाले आहेत.
पदाधिकारी व कार्यकर्त्यांच्या मोठ्या उपस्थितीमुळे हे शिबिर अधिक प्रभावी आणि यशस्वी झाले. आयोजकांनी उपस्थित सर्व कार्यकर्त्यांचे मनःपूर्वक आभार मानले असून, संघटनेच्या भविष्यातील वाटचालीस शुभेच्छा दिल्या आहेत.