श्रावणबाळ वृद्धाश्रमात माजी सैनिक मारुती गायकवाड यांचा ५८ वा वाढदिवस; वृद्धांना फराळ वाटप

श्रावणबाळ वृद्धाश्रमात माजी सैनिक मारुती गायकवाड यांचा ५८ वा वाढदिवस; वृद्धांना फराळ वाटप

शिरोळ तालुक्यातील अकिवाट गावात लोककल्याण आणि सामाजिक बांधिलकीचे उत्कृष्ट उदाहरण नुकतेच पाहायला मिळाले. येथील गुरुदत्त साखर कारखान्यासमोर सद्गुरु बाळूमामा मंदिराच्या जवळ असलेल्या दुर्गामाता चॅरिटेबल ट्रस्ट संचलित श्रावणबाळ वृद्धाश्रमात सोमवार, २० ऑक्टोबर २०२५ रोजी सायंकाळी ७ वाजता सैनिक टाकळी येथील माजी सैनिक मारुती राजाराम गायकवाड यांचा ५८ वा वाढदिवस अनोख्या पद्धतीने साजरा करण्यात आला.
आपल्या वाढदिवसानिमित्त त्यांनी आश्रमातील जेष्ठ निराधार नागरिकांसोबत सहवासात राहून त्यांना दिवाळीचे गोडधोड (फराळ) वाटप केले. दिवाळीपूर्वीच आश्रमातील नागरिकांना आधार देण्यासाठी आणि त्यांच्या तोंडी गोड घास घालण्याची गायकवाड कुटुंबाची मनोमनी इच्छा होती.
कार्यक्रमास उपस्थिती
यावेळी माजी सैनिक मारुती गायकवाड यांच्यासोबत त्यांच्या कुटुंबातील सदस्य आणि स्नेहीजन उपस्थित होते. यात प्रामुख्याने संगीता गायकवाड, काजल गायकवाड, सृष्टी पाटील, साक्षी गायकवाड, कृष्णात पाटील, शिवराज जाधव, संदेश पाटील आणि आयर्न गायकवाड यांचा समावेश होता.
आपल्या वाढदिवसाचा खर्च टाळून तो निराधार व जेष्ठ नागरिकांच्या चेहऱ्यावर आनंद फुलवण्यासाठी वापरणाऱ्या गायकवाड कुटुंबाचे सर्वत्र कौतुक व अभिनंदन होत आहे. सामाजिक भान ठेवून केलेल्या या कार्याबद्दल श्रावणबाळ वृद्धाश्रम संस्थेकडून मारुती गायकवाड कुटुंबियांचे विशेष आभार मानण्यात आले. या उदात्त कार्यामुळे इतरांनाही सामाजिक उपक्रम राबवण्याची प्रेरणा मिळेल, अशी अपेक्षा संस्थेने व्यक्त केली.