🙏 उच्चपदस्थ अधिकाऱ्यातील ‘सहृदयी मित्र’ डॉ. अनिलकुमार गायकवाड: एक खास व्यक्ती, असामान्य कार्यशैली!
दिवाकर शेजवळ
महाराष्ट्र राज्य रस्ते विकास महामंडळ (MSRDC) चे उपाध्यक्ष तथा व्यवस्थापकीय संचालक मान. डॉ. अनिलकुमार गायकवाड साहेब यांच्या वाढदिवसानिमित्त (३० ऑक्टोबर) त्यांच्या व्यक्तिमत्त्वाचा आणि कार्यशैलीचा वेध घेणारा हा विशेष लेख. राज्यभरातील रस्ते आणि महामार्गांच्या महत्त्वाकांक्षी प्रकल्पांची धुरा समर्थपणे सांभाळणाऱ्या डॉ. गायकवाड यांच्या रूपाने या महामंडळाला एक दुर्मिळ आणि अनुभवसंपन्न नेतृत्व लाभले आहे.
अभियांत्रिकीतील मेरिटचे यश आणि कार्यक्षमतेचा ठसा
डॉ. अनिलकुमार गायकवाड यांचा स्थापत्य सेवेतील प्रवेश हाच मुळात ‘मेरिट’ च्या बळावर झालेला आहे. सार्वजनिक बांधकाम खात्यात थेट सचिव पदापर्यंतची भरारी घेणारे अनिलकुमार हे सनदी अधिकाऱ्याऐवजी तांत्रिक कौशल्यात माहीर असलेले पहिले व्यवस्थापकीय संचालक आहेत, जे MSRDC ला सन २०२३ पासून लाभले. त्यांच्या कार्यकाळात त्यांनी सोपवलेली प्रत्येक जबाबदारी यशस्वीपणे पार पाडून त्यांनी आपली गुणवत्ता सिद्ध केली आहे.
रस्ते आणि महामार्गांच्या प्रकल्पांच्या अंमलबजावणीची त्यांची हातोटी वाखाणण्याजोगी आहे. त्यांच्या शिरावर असलेली राज्यस्तरीय कामांची व्याप्ती आणि पसारा विस्तीर्ण आहे, हे सांगायला नको. याच कार्यक्षमतेमुळे #MSRDC आणि #समृद्धीमहामार्ग यांसारख्या महत्त्वाकांक्षी प्रकल्पांना एक नवा आयाम मिळाला आहे.
जबाबदारीपेक्षा मोठा ‘मैत्रीचा परीघ’
उच्चपदस्थ सरकारी अधिकारी आणि सर्वसामान्य लोकांशी असलेला संपर्क, जबाबदाऱ्यांच्या ओझ्याखाली कमी होत जातो. वेळेअभावी हा संपर्क तुटणे हा अनेकांचा नाइलाज असतो. मात्र, डॉ. अनिलकुमार गायकवाड हे त्याला कायम अपवाद राहिले आहेत. त्यांची कामांची व्याग्रता कितीही असो, त्यांच्या स्वभावातील #सहृदयी मित्रभावना कधीही कमी होत नाही.
- नात्यातला टवटवीतपणा: गायकवाड यांचा मैत्रीचा परीघ त्यांच्या कामाच्या कक्षापेक्षा अधिक मोठा आहे. कामामुळे मित्रांच्या भेटी विरळ झाल्या तरी त्यांच्या संबंधांवर कधीही गंज चढत नाही. जेव्हा केव्हा भेट होते, तेव्हा ते अत्यंत उमदेपणाने स्वागत करतात आणि उपलब्ध वेळेत ‘ट्रिट’ करून नात्यातला टवटवीतपणा कायम राखतात.
- भेटीसाठी सदैव तयार: कामाच्या व्यग्रतेमुळे लोकांचा संपर्क तुटतो, पण गायकवाड साहेबांच्या कार्यालयात याचे वेगळे चित्र दिसते. भेटीसाठी ताटकळलेल्या माणसांना वेळ देण्यासाठी कार्यालयात कितीही उशिरापर्यंत थांबण्याची त्यांची तयारी असते.
अफाट स्टॅमिना आणि कर्तव्याची निष्ठा
MSRDC मध्ये आल्यापासून डॉ. अनिलकुमार गायकवाड यांच्या दालनात अनेकदा सकाळी ११ वाजल्यापासून थेट रात्री १० वाजेपर्यंत बैठकांचा (मीटिंग्जचा) सपाटा सुरू असतो. सल्लामसलत करण्यासाठी आमदार, खासदार, सनदी अधिकारी, अभियंते आणि कंत्राटदार त्यांच्या भेटीला येत असतात. तब्बल १२-१२ तास त्यांचा संवाद, चर्चा आणि विचारविनिमय सुरू असतो.
‘तुम्हाला इतका स्टामिना मिळतो कुठून?’ या प्रश्नावर त्यांचे उत्तर एकच असते – “ही माझी जबाबदारी आहे, ड्युटी आहे.” कामाप्रती असलेली ही निष्ठा आणि समर्पित भावनाच त्यांच्या प्रचंड कार्यक्षमतेचे रहस्य आहे.
डॉ. अनिलकुमार गायकवाड हे उच्चपदस्थ अधिकाऱ्यातील उर्जावंत, उमदे आणि सहृदयी मित्र आहेत. त्यांच्यातील ओसंडून वाहणारा उत्साह, दांडगा स्टॅमिना आणि अफाट कार्यक्षमता अशीच कायम राहो, तसेच त्यांना उत्तम दीर्घायुष्य व आरोग्य लाभो, यासाठी भरभरून शुभेच्छा! 💐💐💐🥮🥮🥮
