शहापूरमध्ये चिमुकलीवर लैंगिक अत्याचार ॲट्रॉसिटीचा गुन्हा दाखलअल्पवयीन मुलीच्या आईच्या तक्रारीवरून दुकानदारावर गुन्हा; परिसरातील नागरिकांमध्ये संतापाचे वातावरण

📰 शहापूरमध्ये चिमुकलीवर लैंगिक अत्याचार व ॲट्रॉसिटीचा गुन्हा दाखल
अल्पवयीन मुलीच्या आईच्या तक्रारीवरून दुकानदारावर गुन्हा; परिसरातील नागरिकांमध्ये संतापाचे वातावरण

शहापूर (प्रतिनिधी): (नारायण कांबळे )
येथील तोरणानगर, सहारा निवास कॉलनी परिसरात एका पाच वर्षीय अल्पवयीन मुलीवर लैंगिक अत्याचार करण्याचा प्रयत्न केल्याप्रकरणी शहापूर पोलिसांनी एका दुकानदाराविरुद्ध पॉक्सो (POCSO) आणि ॲट्रॉसिटी कायद्यांतर्गत गुन्हा दाखल केला आहे. या घटनेने परिसरात खळबळ उडाली असून, नागरिकांमध्ये संतापाचे वातावरण आहे.

गुन्ह्याची पार्श्वभूमी:
तक्रारदार (पीडित मुलीची आई) आणि आरोपी बाबासाहेब बागदार हे तोरणानगर येथील सहारा निवास कॉलनीमध्ये शेजारी राहतात. आरोपीचे याच ठिकाणी किराणा मालाचे दुकान आहे.
नेमकी घटना:
दिनांक २१ नोव्हेंबर २०२५ रोजी सायंकाळी सहा वाजून तीस मिनिटांच्या सुमारास (१८:३० वा.) पीडित अल्पवयीन मुलगी आरोपी बाबासाहेब बागदार यांच्या दुकानात कुरकुरे आणण्यासाठी गेली होती. याच संधीचा फायदा घेत आरोपीने तिला जास्त पैसे देण्याच्या बहाण्याने आपल्या घरात बोलावून घेतले.
घरात बोलावल्यानंतर आरोपीने या चिमुकलीला स्वतःच्या कडेवर उचलून घेतले आणि तिच्याशी लगट करून अश्लील वर्तन करण्याचा प्रयत्न केला, असे तक्रारीत नमूद करण्यात आले आहे.
गुन्हा दाखल:
या घटनेनंतर पीडित मुलीच्या आईने त्वरित शहापूर पोलीस स्टेशन गाठून आरोपीविरुद्ध तक्रार दाखल केली. पोलिसांनी घटनेची गंभीरता लक्षात घेऊन तातडीने २२ नोव्हेंबर २०२५ रोजी रात्री १० वाजून ४१ मिनिटांनी (२२:४१ वा.) गुन्हा नोंदवला.
गुन्ह्याचे स्वरूप पाहता आरोपी बाबासाहेब बागदार (रा. तोरणानगर सहारा निवास कॉलनी, शहापूर) याच्याविरुद्ध बालकांचे लैंगिक अपराधांपासून संरक्षण अधिनियम २०१२ (POCSO) चे कलम ८ व १२ तसेच अनुसूचित जाती जमाती अत्याचार प्रतिबंधक (ॲट्रॉसिटी) कायदा १९८९ चा सुधारित अधि. २०१५ चे कलम ३(१)(w)(i)(ii), ३(२)(va) प्रमाणे गुन्हा दाखल करण्यात आला आहे.